荒謬嘅事情係香港一直發生，多到不禁令自己都懷疑已經麻木～早兩日睇連登，見到有個Post「銀髮手足檔口比鄉黑搞！」
圖片見到元朗又新街嘅一個生果檔，被元朗鄉黑搞，生果散落一地，個檔差不多散哂。
睇睇下先發覺，原來就係我地上次掃街訪問嘅霸氣哥華叔。
話就話霸氣哥，其實年紀都好大。
同老婆一齊經營生果攤，見到年輕人被黑警打，佢第一時間出聲大罵。
傾計後期佢都忍唔住落淚，佢祖宗都係香港人，回鄉證都無，因為鄉下就係香港。見到今時今日咁多無恥嘅人蠶食香港利益，一個老人家能夠做嘅只係每日係檔口大叫口號「光復香港 時代革命」
見到佢個檔比人掃，我地都好唔開心，希望大家可以支持下佢。
而呢個時刻，亦都證明咗黃色經濟嘅重要性。
希望所有真。香港人加油！
